22 / 32
August 2015
Gemeindezeitung Kartitsch
Seite 22
viele mit Steckn in do Hond, oder sogor ohne Sohle am Schuich.
Gewessn is eigentlich et a kloana Runde
der ane und ondre tat des wohl Kunde.
Noch Wurzn und an Blissnbodn san mo unkem afn Lercher Platzl -
gern hons se ins ungebotn , die Schützn, a Zirbans Schnapsl.
Den Stempl do, derf ma net vergessn aufn zi druckn,
sischt isch olles ungültig für die näschstn Rundn.
Ob in Kufstein, Pfunds, Seefeld oder Stumm
wenn ma an Stempl vergessn tatn, se war dumm!
Für so monchn isch des wichtig,
der eine und ondere will dechto in Wonderpokal erobern, isch des richtig?
Weiter schuichtn mir, zerscht gonz steil bergauf,
die Wiese wor länger als gedocht, mit an Schnapsl im Bauch.
Do ane mit Spitzkehrn – do ondre grode zuichn,
jeder wisn grod gfolln hot, von Vorteil woarn guite Schuiche.
Wenn Nordtiroler und Oschttiroler zsomme kem, ischs gonz kloa -
sanse über geschichtliche Weitebildung gonz froha.
Jeder woas epans zi dozeiln, egal in wos vran Dialekt,
wichtig isch, wos dahinter steckt.
Diskutiert wurde zwischen a Lunte und a Suiche,
der Untschied liegt darin, die Lunte isch a schmoler Spolt
foscht koana - la blederweise do eini follt.
Und a Suiche isch a Rinne, verstehts woll - fürs Obrinnen van Gewässer
a Lunte war zi schmol, a Spolt eignet sich do viel besser.
Viel hot des Nordtiroler an dem Wochenend wieder dazuigelernt
in Dialekt zi vostian, sato gor et so weit entfernt.
Apor Wertlan miasat do no lern
das do ins gonz versteht, den intensiven oschttiroler Kern.
Oba ins tats vielleicht la gleich geahn
wenn mo enk so redn hern.
Deswegn isch guat wenn man sich ob und zua dechto trifft
mias ma lei so beibeholtn – des war a netta Gschicht.
Unkem, gonz erfüllt va schiane Sochn,
den Dorfberg mitgetrogn in da Toschn.
Af a Bier die Mandoleit
sich hiazan sehentlich gfreit.
Am Dorfplatzl hot man no schian gspielt und gsungen,
denen Musikern isch des a recht guat gelungen,
a Stimmung muss setna mo sein,
a Tanzl zi zweit gonz heimelig und fein.
Da Ingo Rotter hot sich ban moderiertn wieder Mühe gebn,
tjo des Mandl konn oanfoch präsentieren und guit redn.
A gmiatliche Stimmung so harmonisch und fein,
ist Wetter optimal – kennat et bessa sein.
Bei den nächsten großen Events ob in Pfunds Seefeld oder irgendwo
organisiert von da TT unterstützt von Alp Events gfrei ma ins hez scho.
Wenn ma a net olle wieder mit dabei sein kenn,
des wor jedenfolls vir ins Kartitscher gelungen und schean.
Dahinter steckt viel Orbat Müh und Zeit
oba des isch olln wert für a feine nette Geselligkeit.
So kema olle wieder amol zsom von nah und fern
da Nordtioler und da Oschttiroler Kern.
Kofler Gilda