26 / 36
Feber 2014
Gemeindezeitung Kartitsch
Seite 26
Gedicht von Kindern vorgetragen:
Liabo Herr Pforra! Sie san ba ins hitz schon seit 20 Johr,
mir Kindo hom Sie gearn und sell isch wohr,
ah, wenn mir in do Kirche oft et aso stille sein,
es follt ins holt netta sem grod eppas Lustiges ein.
Hie und do tian mir Sie nervn ban Ministriern,
weil ins die Gedonkn a folsches Wegile führn,
obo schian is und a Freude, ban Oltore zi dian,
Herr Pforra, a groaßis Vergeltsgott tian Sie verdian.
Ols an wiffn Baumeisto tian die Leit Sie ehrn,
aso guit mit Geld umezigiahn, müassatn viele erst learn,
olle 3 Kirchn, do Kreuzwg in Hollbruggn in kunstvollo Procht
und olls isch mit Ihr´m Gspür für´s Schiane gimocht.
Nett is, wenn Sie mit´m blauen Mantilan giahn,
im Gortn, do und dort, ka Orbat tut sih geniern,
´s Auto hot leido amol an mortz Megge bikemm,
es waar recht, ´n Fuiß a bissl van Gas wegnehm.
Und, gell, Frau Paula, lustig is, mitnondo a Kortale zi mochn,
gschwindlt wird wohl eppa ah, obo sell isch la zi lochn.
schliaßlich kennt man ols Häuserin die Teggilan in 45 Johrn,
Sie san dem Pforra a Super Köchin und helfn ihm ah sporn.
Zi bewundern isch jedes Johr Ihra üppiga Blumenprocht,
de die Wiidnfensto und´s Gartl zi a Zierde mocht
und die vieln Vögilan in olln Gottungen und Ortn,
dörfn ba do Frau Paula olm eppas Guits dowortn.
Bua, a Pforrhaushälterin hot sischt ollerhond zi tian,
Holz trogn, woschn, putzn, hazn und einkafn giahn,
auf Pforras Gewandl und sei´ Wohlergiahn schaugn
und ah für´s Kirche au´raum brauchts Kroft und guite Augn.
Liabo Herr Pforra, liaba Frau Paula,
mir donkn gonz fest für´s Dosein und die Treue holtn,
do liabe Gott soll mit segnender Hond über Ihnen woltn,
viel Freude, Gsundhat und Zufriednheit schenkn
und´s Spaziergangl noh longe af´s Grella Steigile lenkn.
Inser Chorleiter und Organist,schon seit am Viertl-Johrhundert,
mir staunen über de meistohofte Kunst jo gonz verwundert,
Berge va Notnblattlan, Zeit, Wege, den Kopf voller Ziele und Gedonkn,
Herr Direkta Lusser, ah mir Kindo tian gonz, gonz liab Ihnen donkn.
Wos waar denn a Gottesdianst ohne Orglspiel und schian Gsong,
longweilig waars und ´s Kirchn daurat ins viel zi long,
drum soll do liabo Gott Sie reichlich und gonz fest belohnen
und Sie in dem frostign Chorraum va am Schnupfn verschonen.
Gedicht von Hilda Außerlechner
Bilder vom Martinsumzug
Bilder vomAdventsingen