GZ Kartitsch Nr. 93

Seite 19 Ausgabe 93 Niggilanstecher Die Niggilanstecher …. Olle Joahr, auf an Freitag, um die gleiche Zeit, mochn wir Kinder uns auf`n Weg zu enk liabn Leit. Auf`s Niggilanstechn gfrein wir uns schon es ganze Joahr, des gibt`s lei bei uns in Kartitsch – is ja kloar. A alter Brauch – den lassn wir nit aus, so ziagn wir mit Huat und lange Steckn von Haus zu Haus. Wir klopf`n zu die Scheibn: „ Geh macht`s uns auf und liabe Bäurin steck uns doch a Niggile auf`n Steckn drauf. “ Warum´s die Tradition gibt, wissen wir nit so genau, oba die Leit von früher woarn halt a ziemlich schlau. Mit vollem Bauch sein se am Kirchweih - Sonntag zur Messe kemmen und a die armen Leit, sein so zu an Essn zsommkemmen. A unsare Steckn und Körbe woarn recht voll, ja es Niggilanstechn is für uns Kinder immer toll. Wir sagn „ Vergelt`s Gott “ für jedes offene Haus und sehn uns nächstes Joahr hoffentlich wieder – mit viel Applaus. Rosa Strasser